Андыгаа гашуун нулимастай эцсийн замд нь үджээ

Их аварга асашёорюү Д.Дагвадоржийн жолооч бэртэл гэмтлээ даалгүй өөд болжээ. Эх сурвалжийн мэдээлж буйгаар Асашёорюү Д.Дагвадоржийн жаргал зовлогоо хуваалцдаг дотны анд байсан бөгөөд олон жил түүний жолоочийг хийжээ.

 Тэрээр энэ сарын эхээр хадмууддаа зодуулснаас  болж хүнд гэмтэл авч эмнэлэгт хэвтсэн юм. Гэсэн ч тэрээр сэхэл авахгүй байсаар өнгөрөгч мягмар гаригт өөд боллоо. Талийгаачийг өнөөдөр нутаглуулсан байна. Их аварга маань андыгаа эцсийн замд нь үдэхдээ ихэд  гашуудан нулимс унагасан юм. Одоо тэрээр өөрийн төрсөн өдрийг тэмдэглэхээс илүү дотны андынхаа гэр бүлд туслаж, дэмжихийг хичээж байгаа гэнэ.