Өглөө.мн Шинэ өглөө, Шинэ мэдээлэл
Япон улсын баруун өмнөд хэсгийн Кагошима мужийн Кучиноэрабу арал дээр оршдог галт уулын аюулын түвшинг нэмэгдүүлж, нүүлгэн шилжихэд бэлтгэлтэй байхыг нутгийн оршин суугчдад анхааруулаад байна гэж тус улсын цаг уурын агентлаг лхагва гарагт мэдээлэв.
Кучиноэрабу арал дээр газар хөдлөх магадлал нэмэгдэж байгаа нь агентлагийн мэргэжилтнүүдэд ажиглагдсан учир аюулын түвшинг нэмэгдүүлэх шийдвэрийг гаргажээ. Мөн эрч хүчтэй цацагдах галт уулын чулуулаг хийгээд элдэв хольцтой тоосноос болгоомжлохыг ард иргэдэд анхааруулсан байна.
Уг арал дээр 2015 онд галт уулын хүчтэй дэлбэрэлт болж, арал дээр амьдардаг бүх оршин суугчийг буюу 137 хүнийг албадан нүүлгэн шилжүүлж байжээ.
