Өглөө.мн Шинэ өглөө, Шинэ мэдээлэл
2015 онд Сирид ажиллаж байхдаа Лалын хэт даврагчдын бүлэглэлд барьцаалагдсан сэтгүүлч Японы иргэн Жүмпэй Ясүда өчигдөр суллагджээ. Түүнийг суллагдсан талаар Японы Гадаад хэргийн сайд Таро Коно мэдэгдсэн байна. Тэрээр сэтгүүлч Жүмпэй Ясүда одоогоор Турк улсад очсон, эрүүл мэнд нь хэвийн байгаа гэж мэдээлжээ.
Сэтгүүлчийг суллагдсаныг сонссон Японы Ерөнхий сайд Шинзо Абэ Катар, Туркийн талуудад талархсанаа илэрхийлжээ.Жүмпэй Ясуда 1997 онд Нагано мужийн Шинано өдөр тутмын сонинд сэтгүүлчээр ажиллаж байгаад 2003 оноос чөлөөт сэтгүүлч болж, Ойрхи Дорнодын үйл явдлыг дагнан сурвалжлах болсон байна.
