Тайванийн хууль сахиулагчид Samsung –д торгууль ногдуулжээ

Тайванийн хууль сахиулагчид ухаалаг гар утасны зах зээлд ноёрхож байгаа компаниудын нэг болох “Samsung Electronics” торгууль ногдууллаа.  Тодруулбал Тайванийн Худалдааны Комисс Samsung –ийн удирдлагууд өрсөлдөгчийнхөө бүтээгдэхүүнүүдийг шүүмжлүүлэхийн тулд хүмүүст мөнгө төлсөн хэмээн үзэж тус компанийг 340 мянган ам.доллараар торгохоор шийдсэн байна. Мөн Хятадын зах зээлд  Samsung –ийн “Galaxy S3” болон  “Note2” зэрэг гар утаснууд эвдрэлтэй, алдаатай чипүүдээс болж ажиллахгүй байгаа талаарх мэдээлэл цацагдаж байсан юм. Харин “Samsung Electronics” Хятадын  хэрэглэгчдээсээ уучлалт хүсэж 7 өөр загварын гар утасныхаа засвар үйлчилгээг үнэгүй хийхээ Хятад хэрэглэгчиддээ амласан байна. Өмнөд Солонгосын Сувон хотод төвтэй тус компани нийт орлогынхоо 14 хувийг Хятадын зах зээлээс олдог гэнэ. Иймд Хятадын тал дахь зах зээлээ алдахгүй байх нь тус компанийн уучлал хүсэж засварлагааг яаралтай хийж эхэлсэн байна.