Өглөө.мн Шинэ өглөө, Шинэ мэдээлэл
Эрүүл мэндийн яамнаас коронавирус өвчний халдварын нөхцөл байдлын талаар өнөөдөр /2020.04.13/ ээлжит мэдээллээ хийлээ.
Энэ үеэр ХӨСҮТ-ийн захирал Д.Нямхүү манай улсад коронавирусийн 17 дахь тохиолдол бүртгэгдсэн талаар мэдээллээ.
Тэрбээр “2020 оны дөрөвдүгээр сарын 12-нд ХӨСҮТ-д тусгаарлагдсан сэжигтэй 20 тохиолдлын нэгээс нь коронавирус илэрлээ. Ингэснээр манай улсад халдварын 17 тохиолдол бүртгэгдлээ. Үүнээс 4 нь эдгэрч эмнэлгээс гарч, хяналтад байгаа.
Дөрөвдүгээр сарын 12-нд ОХУ-аас ирж Дархан-Уул аймагт ажиглалтад орсон иргэдээс коронавирус илрээгүй. Одоогоор ХӨСҮТ-д 225 иргэн эмч нарын хяналтанд байна” гэлээ.
