Танилц: БНСУ-ын хилээр нэвтрүүлэхэд тавьж буй шаардлагууд

БНСУ-д мөрдөгдөж байгаа хилийн болон нисэх буудлын нөхцөл байдал, хязгаарлалтын талаарх мэдээллийг хүргэж байна.

ХИЛ НЭВТРЭХ ЗӨВШӨӨРӨЛ:

• Солонгос Улсын иргэд
• Байнгын оршин суугч гадаад иргэний үнэмлэхтэй иргэд
• Эмнэлэг нь зөвшөөрсөн эмчилгээний урт хугацааны визтэй иргэд
• Байнгын оршин суугчын дагалдан визтэй иргэд
• Оюутан /их дээд сургуулийн танхимаар хичээллэх сургуулийн зөвшөөрөлтэй,
• Албаны зөвшөөрөлтэй /ЭСЯ-наас авсан/ иргэд

ТУСГААРЛАЛТ:

• 14 хоног өөрийн зардлаар тусгаарлагдана. /1 өдрийн 150.000 вон буюу 14 хоногийн 2,100,000 вон/
• Тусгаарлалтын хяналтын аппликейшн гар утсандаа суулгана.

ХИЛ НЭВТРЭХИЙГ ХОРИГЛОХ ЗААЛТУУД:

• 2020 оны 4 дүгээр сарын 5-ны өдрөөс өмнө олгогдсон визүүд цуцлагдсан.
• 2020 оны 7 дугаар сарын 27-ны өдрөөс өмнө БНСУ-д хууль зөрчиж байсан, визийн зөрчилтэй VOID даруулсан иргэдийн Инчеон ОУНБ-аар дамжин өнгөрөх болон БНСУ-руу нэвтрэх эрхийг цуцалсан.

ДАМЖИН ӨНГӨРӨХӨД АНХААРАХ ЗҮЙЛС:

• Инчеон ОУНБ-аас 24 цагийн дотор дараагийн нислэгт суух нотлох бичиг, тийзтэй байх шаардлагатай.
• УОК-оос тусгай үүргийн нислэгт баталгаажуулсан нэрсийг гуравдагч улсын нислэгт суухын өмнө Инчеоны хилийн албанаас давхар хянаж зөвшөөрөгдсөн тохиолдолд онгоцонд суух боломжтой.

Эх сурвалж: МИАТ ТӨХК-ийн Сөүл хот дахь Төлөөлөгчийн газар