Өглөө.мн Шинэ өглөө, Шинэ мэдээлэл
Коронавирусийн хурдацтай тархалтыг зогсоохын тулд Ерөнхийлөгч Эммануэл Макроны зарлигаар Парис болон бусад найман хотод шөнийн цагаар хөл хорио тогтоож байна. Бямба гарагаас эхлэн 21:00-06: 00 цагийн хооронд хөл хорих бөгөөд дор хаяж дөрвөн долоо хоног үргэлжилнэ гэж ноён Макрон телевизэд өгсөн ярилцлагадаа хэлэв.
Хөл хорио нийслэл Парис болон түүний захын хорооллууд, мөн Марсель, Лион, Лилль, Сент-Этьен, Руан, Тулуза, Гренобль, Монпелье хотуудад хэрэгжиж ойролцоогоор 22 сая хүн хамрагдаж байна.
Европ даяар засгийн газрууд халдварын хоёр дахь давалгаатай тэмцэх шинэ хязгаарлалтыг нэвтрүүлж байна. Лхагва гарагт Германы канцлер Ангела Меркель дөрөвдүгээр сараас хойш анх удаа 5000 гаруй шинэ халдвар бүртгэгдсэн тул хязгаарлалтаа чангатгахаа мэдэгдэв.
