Өглөө.мн Шинэ өглөө, Шинэ мэдээлэл
Улсын Их Хурлын дарга Г.Занданшатар өнөөдөр (2020.10.15) 12.00 цагт Аймаг, нийслэл, сум, дүүргийн иргэдийн Төлөөлөгчдийн Хурлын 2020 оны ээлжит сонгуулийн Хан-Уул дүүргийн 29-17-1 дүгээр хэсгийн санал авах байранд очиж, санал өглөө.
УИХ-ын дарга Г.Занданшатар, Орон нутгийн сонгууль бол Монгол улсын засгийн газрын нэгдсэн бодлогыг хэрэгжүүлэх нутгийн өөрөө удирдах байгууллагыг сонгох чухал ач холбогдолтой сонгууль. Орон нутгийн сонгуулиуд өмнөх жилүүдийн ирц бусад сонгуулиас харьцангуй ирц доогуур байдаг нийтлэг хандлага байдаг. Зарим сонгууль ирц хүрэхгүй тохиолдол ч бий. Залуучууд, дээлээ өмсөөд уламжлалт шинэ хандлагаа үргэлжлүүлж сонгуулаа идэвхтэй өгөхийг уриаллаа.
Тус хэсгийн хороонд нийт 1979 сонгогч санал өгөхөөр сонгогчийн нэрсийн жагсаалтад бүртгэгдсэн бөгөөд 12.00 цагийн байдлаар ирц 10 гаруй хувьтай байна. Одоогийн байдлаар ямар нэгэн зөрчил гараагүй гэдгийг тус хэсгийн хорооны нарийн бичгийн дарга Д.Дагинцоо хэллээ. 11:30 цагийн үед 220 сонгогч саналаа өгснөөс эрэгтэй 130, эмэгтэй 90 иргэн саналаа өгчээ. Насны ангиллаар авч үзвэл 18-25 нас-15, 26-40 нас-58, 41-55 нас-101, 56-гаас дээш насныхан 46 иргэн саналаа өгсөн байна.
Сонгуулийн ерөнхий хорооны мэдээллээр улсын хэмжээнд 11.00 цагийн байдлаар 15.2 хувийн ирцтэй байна. Сонгогчийн саналыг 07:00- 20:00 цаг хүртэл хугацаанд санал авах байранд авна
