Өглөө.мн Шинэ өглөө, Шинэ мэдээлэл
Бүтээлч япончууд муурын кафегаас хальж, цааш нь ууль шувууны кафе нээхээр шийджээ. Энэхүү зоогийн газарт толгой, гар дээрээ зэрлэг шувуу суулгаад хоол идэж болох юм байна.
“The Owl Cafe”-гаар үйлчлүүлэгчдийн тоо тасрахгүй байгаа гэнэ. Учир нь шувуудыг айлгаж, үргээхгүйн тулд тус кафед нэг дор цөөн тооны хүн үйлчлүүлэх боломжтой аж. Үүнээс гадна үйлчлүүлэгчид ууль шувуунд хүрч, тэдэнтэй ярьж, гэрэл гялбуулан зураг авч болохгүй. Хэрвээ шувууг уурлуулчихвал тоншуулж, шархдах аюултай.
Шинэ кафе нээгдсэнд экологичид тун шүүмжлэлтэй хандаж байна. Тэдний хэлж буйгаар энэ шувууг зугаа цэнгэлийн зорилгоор битүү орчинд удаан байлгаж болохгүй гэнэ. Харин кафены эзэд шувуудаа өдөрт 20 минут чөлөөтэй нисгэдэг гэсэн байна.
