Өглөө.мн Шинэ өглөө, Шинэ мэдээлэл
Хятадын Шэньжэнь хотын төвд байрлах электрон барааны дэлгүүр, оффисын зориулалттай 73 давхар “SEG Plaza” өчигдөр /2021.05.18/ өдөр 12:31 цагийн орчимд гэнэт дайвалзаж, аврах албаныхан дотор нь байсан үйлчлүүлэгчдийг даруй нүүлгэн шилжүүлжээ.
Үйлчлүүлэгчдийг барилгаас аюулгүй гаргасны дараа хүмүүс зугтааж буй бичлэг Хятадын цахим сүлжээнд цацагджээ.
“SEG Plaza” нь 2000 онд нээгдсэн бөгөөд электрон барааны дэлгүүр, оффисын зориулалтаар ашиглагддаг. Урьдчилсан байдлаар цамхагт ямар нэг гэмтэл, эвдрэл гараагүй, тухайн үед Шэньжэнь хотод газар хөдлөлтийн чичиргээ огт бүртгэгдээгүйг тогтоожээ. Мэргэжилтнүүд шалтгааныг тодруулахаар ажиллаж байгаа аж.
“SEG Plaza” нь барилгын өндөр 300 орчим метр бөгөөд Хятад дахь хамгийн өндөр барилгын 104, дэлхийн 212 -т бичигддэг өндөр барилга юм байна.
