Монголчууд дэлхийн хүчтэний эгнээнд нэгдлээ

1470012_250793525076245_1395619321_nМонгол хүн дэлхийн  дэвжээнд эр  бяраа гайхуулсан нэгэн баяртай мэдээллийг та бүхэндээ дуулгая. Эрт цагт эрэлхэг Монголчууд Их эзэн Чингис хаанаараа удирдуулан дэлхийн дахиныг байлдан дагуулж байсан бол эдүгээ цагт монголын хүчтнүүд дэлхийн дэвжээнд  бахдам амжилт гаргажээ.

Учир юу гэвэл, өнгөрсөн 10 сарын 26-аас 11 сарын 02-ны өдрүүдэд Чех улсын Прага  хотод болсон дэлхийн паэрлифтинг буюу  хүч тамирын аварга шалгаруулах тэмцээнд монголын паэрлифтингийн холбооны шигшээ  багийн  тамирчид 14 хүний бүрэлдэхүүнтэй  анх удаа  очиж оролцоод   олон төрөлд аваргалж, багаараа дэлхийн 40 орчим улсаас 3 байрт шалгараад эх орондоо иржээ.

1012774_250788795076718_929706250_n

Паэрлифтинг  нь   штангтай  суулт, штанг газраас татаж босгох, цээжний шахалт гэсэн үндсэн гурван төрөлтэйгээс гадна хувцасгүй гурван төрөлт гэж нэмэлт төрлүүд байдаг гэнэ.

1450872_250792158409715_820044681_n

Манай баг тамирчдын хамгийн ахмад  73 настай Цэгмид гуай 210 кг-д сууж дэлхийн дээд амжилтыг шинэчлэн тогтосон  бол  өсвөрийн  эмэгтэй  тамирчин Отгонтуяа 2 төрөлд  түрүүлж  үнэмлэхүй аварга болжээ.

1395868_250793465076251_767693091_n 6141_250790775076520_1534002409_n

Европчууд  тэмцээн эхлэхэд  манайхныг  Азийн  хятад, япон, солонгос улс орны тамирчидтай адилтгаж  төдийлөн анзаарахгүй байсан  бол төд удалгүй  манай  тамирчдын  ээлж дараалан гаргасан амжилтууд  тэднийг мэл гайхуулжээ. Гайхаж цөхөрсөн европчууд монголчуудын булчин шөрмөсийг барьж үзэж  байсан гэнэ билээ. Түүгээр ч барахгүй Чехийн өдөр тутмын сонин хэвлэлд “Чингис хааны удмынхан хүчний төрлөөр амжилт  үзүүлж дахин  дэлхийг донсолголоо”  гэсэн утга агуулга бүхий нийтлэлийг  хэвлүүлсэн  ажээ.

Ямартай ч эх орныхоо нэрийг буурал Европын хүчний спортын төрөлд  дуурсгаад ирсэн Монголын Паэрлифтингийн холбооны Ерөнхийлөгч С.Жаргалсайхан тэргүүтэй баг тамирчидад баяр хүргэн, амжилтаа улам бүр ахиулахыг хүсье.

А.Галт

index

Санал болгох мэдээ

Б.Солонгоо: Т.Чимгээ, Б.Содномдаржаа нарын эрхийг сэргээх, нөхөн төлбөр олгох ажлын хэсэг байгууллаа

Засгийн газрын ээлжит хуралдаан өнөөдөр боллоо. Хуралдаанаар С.Зоригийн амь насыг хөнөөсөн хэрэгт холбогдон  ял эдэлж …