Зааны баримал дотроос 85 мянган евро олжээ

Нэгэн франц эр зааны баримал дотроос 85 мянган евро олоод цагдаад хандсан байна. Бордо хотын оршин суугч тэрээр Мериньяк коммунын төвд явган хүний зам дээрээс гоёл чимэглэлийн бусад зүйлийн дундаас уг баримлыг олсон аж. Зааны баримлыг сайтар үзэхэд боодолтой мөнгөн дэвсгэртээр дүүрсэн байжээ. Явган хүний зам дээрээс олдсон 85 мянган еврог улсын Хадгаламж, ачилтын санд төвлөрүүлсэн гэнэ.

Мөрдөн байцаагчид уг мөнгийг хар тамхины мафийн үйл ажиллагаатай холбоотой хэмээн таамаглаж буй.