У.Хүрэлсүхэд Ким Жөн Ун баярын мэнд хүргэжээ

БНАСАУ-ын удирдагч Ким Жөн Ун Монгол улсын ерөнхийлөгч У.Хүрэлсүхэд ардын хувьсгалын 100 жилийн ойн баярын мэнд хүргэж, цахилгаан илгээсэн байна.

Уг цахилгаанд “БНАСАУ-ын засгийн газар, ард түмний нэрийн өмнөөс танд болон танай засгийн газар, ард түмэнд Монголд ардын хувьсгал ялсны 100 жилийн ойг тохиолдуулан халуун баяр хүргэе. Манай хоёр орны эртний уламжлалт найрамдалт харилцаа, хамтын ажиллагаа улам бүр бэхжиж, хөгжинө гэдэгт би итгэлтэй байгаа бөгөөд энэ боломжийг ашиглан, та болон танай ард түмэнд улс орныхоо сайн сайхны төлөө хийж буй ажилд нь чин сэтгэлээсээ амжилт хүсье” гэжээ.