Азийн залуучуудын ээлжит чуулган Монголд болно

Өнгөрсөн тавдугаар сарын 30-аас энэ сарын 2-ны хооронд Камбожийн Вант улсад болсон Азийн Залуучуудын тавдугаар чуулганд Монгол улсаа төлөөлж Ерөнхий сайдын дэргэдэх “Монголын залуучуудын үндэсний хороо”-ны залуус оролцоод ирсэн юм. Тэд Азийн 25 орныг эгнээндээ нэгтгэсэн энэхүү чуулганыг ирэх онд Монголдоо зохиох эрхийг тэд авсан байна.

Ингэснээр Азийн орнуудын манлайлагч болсон 300 гаруй төлөөлөгч залуус Монголд чуулахаар болж чуулганы бэлтгэл ажлын хүрээнд томоохон бүтээн байгуулалт хийж үлдээх зэрэг олон ач холбогдолтой аж.