Хамтарсан зөвлөгөөн боллоо

Хууль зүй дотоод хэргийн сайд /хуучин нэрээр/, Эрүүл мэндийн сайдын 2002 оны 12 дугаар сарын 31-ний өдрийн 313/316 дугаар хамтарсан тушаалаар батлагдсан “Ялаас чөлөөлөх өвчний жагсаалт, хүнд өвчтэй ялтанд эмнэлгийн бусад байгууллагын туслалцаа үзүүлэх журам”-ын хэрэгжилт, хяналтын дүнгийн тухай асуудлаар Нийслэлийн прокурорын газрын ял эдлүүлэх ажиллагаанд хяналт тавих хэлтэс, ШШГЕГ-ын Тогтоол гүйцэтгэх газар, тус газрын харьяа Нэгдсэн эмнэлэг, Шүүхийн шинжилгээний Үндэсний хүрээлэнгийн хамтарсан зөвлөгөөн 2013 оны 12 дугаар сарын 26-ны өдөр Шүүхийн шийдвэр гүйцэтгэх ерөнхий газарт зохион байгуулагдлаа.

Зөвлөгөөнд Нийслэлийн прокурорын газрын ял эдлүүлэх ажиллагаанд хяналт тавих хэлтсийн дарга С.Мөнхбат, хяналтын прокурор Д.Болор-Эрдэнэ, ШШГЕГ-ын тэргүүн дэд дарга, хурандаа П.Хосбаяр, Тогтоол гүйцэтгэх газрын дарга, хурандаа Б.Амардорж, Хорих 401 дүгээр ангийн дарга, дэд хурандаа Б.Түвшинтөгс,  ерөнхий эмч К.Анаргүл, ШШҮХ-ын Шүүх эмнэлгийн шинжилгээний хэлтсийн дарга М.Цэрэнбат, тус хэлтсийн дэд дарга Х.Батбаяр, чанарын менежер Т.Амартүвшин, шинжээч эмч Б.Ундармаа, М.Энхбаяр нар оролцлоо.