Дотоодын хүнсний ногооны хэмжээг нэмэгдүүлэхээр зорьж байна

Буудайн үйлдвэрлэлийг энэ онд 2013 онтой харьцуулахад 11.5 хувиар, төмснийтариалалтыг 1.6 хувиар харин хүнсний ногооны тариалалтыг 1.6 хувиар нэмэгдүүлэх зорилтыг салбарын яамнаас тавьж буй. Газар тариалангийн салбарын хувьд өнгөрсөн онд нийт 291.9 мянган га талбайгаас 388.7 мянган тонн үр тариа хураан авснаас 370.3 мянган тонныг буудай эзэлжээ. Мөн нийт 102.6 мянган тонн төмс, 101.7 мянган тонн хүнсний ногоо, 1.4 мянган тонн жимс жимсгэнэ хураасан гэж холбогдох газраас мэдээллээ. 2013-2014 онд хүлэмжийн аж ахуйгаас авах дотоодын хүнсний ногооны эзлэх хэмжээг 30 хувьд хүргэхээр зорьж байгаа юм байна. Түүнчлэн Хүнсний ногооны тариалалтыг нэмэгдүүлж, хүлэмжийн тариаланг дэмжих хүрээнд “Чингис бонд”-оос 17.4 сая ам.доллар зарцуулж 0.7 га-гийн хүлэмжийг ашиглалтад оруулсан ажээ.