Украйнд олон улсын ажиглагчид чөлөөтэй орж болно

Украйны экс гадаад хэргийн сайд Петр Порошенко Крымээс бусад Украйны бүх нутаг дэвсгэрт олон улсын ажиглагчид, шинжээчид, сэтгүүлчид болон бусад хүмүүс чөлөөтэй зорчиж болно гэж мэдэгдлээ. Тэрбээр “Бид олон улсын аль ч төлөөлөгчдийг хүлээн авахад бэлэн байна.

Бид Европ дахь Аюулгүй байдал, хамтын ажиллагааны байгууллагатай гэрээ байгуулсан. Энэ гэрээний хүрээнд Украйнд олон талын ажиглагч, шинжээчид ажиллах боломжтой болсон. Крымын хойгоос гаднах Украйны газар нутаг аюулгүй байх болно” хэмээн мэдэгдлээ.

А.Амар