Томоохон хөрөнгийн биржүүдийн индексүүд унасаар байна

Украинд үүссэн хямралт байдал болон ОХУ-ын хийж буй үйлдэл, түүнд Европын холбоо болон АНУ-аас хийж буй хариу үйлдлүүдтэй холбоотойгоор дэлхий дахины хөрөнгийн биржүүд дээр томоохон индексүүд унасаар байна. Өчигдрийн арилжааны хаалтын дараа Лондоны хөрөнгийн биржийн FTSE-100 индекс 0.49 хувиар унасан бол, Нью-Йоркийн хөрөнгийн биржийн Dow Jones болон Nasdaq индексүүд 0.70-0.59 хувиар буурав.

Хувьцааны үнийн бууралт Азийн зах зээл дээр бүр ч ихээр хэмжигдэж байна. Токиогийн Никкей-225 индекс 0.74, Хонконгийн Hang Seng индекс 1.14 хувиар буурсан байна. ОХУ-ын хийж буй үйлдэлтэй холбоотойгоор Их-7 хуралдаж, ОХУ-ыг Их-8-аас хасах шийдвэр гаргасан. Мөн европын холбоо хориг арга хэмжээ чангатгана гэж буй. Гэсэн хэдий ч ОХУ-ын зүгээс өчигдөр орой Крымийн хойг дахь Украины цэргийн баазыг эзлээд буй билээ.

Д.Амар