“Буянт-Ухаа 1” хороололд бүртгүүлсэн иргэдийн ихэнх нь 2 болон 3 өрөө байр захиалжээ

“Буянт-Ухаа 1” хорооллын захиалгыг төрийн үйлчилгээний ТҮЦ машинаар гуравдугаар сарын 10-аас 14 хоногийн хугацаанд бүртгэж өчигдрөөр дуусгавар болсон. Энэ хугацаанд нийт 9081 иргэн байр авахаар бүртгүүлсэн байна.

Бүртгүүлэгчдийн 3987 төрийн албан хаагч, 1729 залуу гэр бүл, 2385 ахмад настан, 980 хөгжлийн бэрхшээлтэй иргэн байгаа бөгөөд бүртгүүлсэн иргэдийн ихэнх нь 2 болон 3 өрөө байр авахаар хүсэлт гаргажээ. “Буянт Ухаа 1” хорооллоос байр авахаар бүртгүүлсэн иргэдийн дунд сугалаа явуулах ажлыг ТОСК зохион байгуулах юм.

“Буянт-Ухаа 1” хорооллын байрны 1мкв нь 1,280,000 төгрөгийн үнэтэй бөгөөд оршин суугчидаа хүлээн авахад бэлэн болсон 567 айлын орон сууц байгаа аж.