Хурал уу, хуйвалдаан уу…

М.Наранбаатарын өргөдлийг  авч хэлэлцсэн  МҮОНРТ -ийн ҮЗ-ийн хурлын бичлэг олон нийтэд хүрсэн нь  М.Наранбаатарыг буруутгаж байсан хүмүүсийн санал бодлыг эргүүлэхэд хүрлээ.  Учир нь энэ  хуралд М.Наранбаатарын хийсэн тайлбар  үнэн бол асуудал “нэлээд дээрээс хаясан чулуу”-тай холбоотой бололтой. Үүнийг нотлох мэт  МҮОНРТ -ийн ҮЗ-ийн хурал нь  ямарч зохион байгуулалттай, зөвхөн М.Наранбаатарын өргөдлийг хүлээн авч, түүнийг ажлаас нь чөлөөлөх асуудлыг  гол зорилгоо болгосон гэж харагдахаар болжээ.

Сонирхолтой нь УИХ-ын  дарга З.Энхболдын МҮОНРТ-ийн ҮЗ-д  хандан хэлсэнчлэн   МҮОНРТ-ийн  ҮЗ-ийн ажлыг сайжруулах үүрэг  бүхий   ҮЗ-ийн гишүүд дотор   телевизийн салбарыг мэддэг хүмүүс гэхээсээ илүүтэй АН-ын “арын албанд” хүчин зүтгэж байсан Д.Сосорбарам, Б.Цэнддоо, Батж.Батбаяр нарын “сонин” хүмүүс  байх шиг. Үнэндээ тэднийг хараад МҮОНРТ-ийн үйл ажиллагааг сайжруулж чадах у у гэсэн бодол  өөрийн эрхгүй төрснийг нуух юун.

МҮОНРТ -ийн ҮЗ-ийн хурлын үйл ажиллагааг хараад тэдний өмнөөс “нүүр улайлаа”. Хуулиа уншаагүй, мэдэхгүй, дүрэм дэгээ ойлгоогүй, “бантагнасан”   ҮЗ-ийн гишүүдийг хараад тэд хурлаа хийж чадахгүй байж, салбараа хөгжүүлж амжих уу гэж хэлмээр санагдлаа. Багаахан шиг  дээд  сургуулийн оюутны зөвлөлийн хурал тэдний энэ хурлаас арай л илүү зохион байгуулалттай, дэг журамтай болж чадна гэдгийг энд хэлэх нь зүйтэй байх.

Ямартай ч МҮОНРТ -ийн ҮЗ-ийн хурал болж тэдэнд асуудал үүсгээд байсан МҮОНРТ -ийн  захирал М.Наранбаатарыг ажлаас нь чөлөөлөх өргөдлийг өөрөөр нь бичүүлж,  түүнийг нь хэлэлцснээр өндөрлөв бололтой

Энд  дарж хурлын бичлэг үзнэ үү

 

Ц.Мөнх