Өглөө.мн Шинэ өглөө, Шинэ мэдээлэл
Байгаль орчин, ногоон хөгжил, аялал жуулчлалын яамнаас Үндэсний их баяр наадмыг хоггүй угтах, цэвэр орчин бүрдүүлэх, эко аялал жуулчлалыг дэмжих зорилгоор 21 аймаг, 330 гаруй сум, тосгон, Улаанбаатар хотын 9 дүүрэг, 135 хорооны дунд “Цэвэр орчин аян” сарын уралдаан зарлаж дүгнэжээ. “Ногоон дүүрэг” болох зорилт дэвшүүлсэн Чингэлтэй дүүрэг хотын 9 дүүргээс “Цэвэрч дүүрэг”-ээр шалгарсан юм. “Цэвэрч дүүрэг”-ийн шагналыг Байгаль орчин, ногоон хөгжил, аялал жуулчлалын дэд сайд М.Хүрэлсүх , тус яамны Төрийн нарийн бичгийн дарга Ц.Цэнгэл нар гардуулжээ. Чингэлтэй дүүргийг төлөөлж Засаг даргын Тамгын газрын Захиргаа, хуулийн хэлтсийн дарга А.Дамцагдорж шагналыг гардан авсан юм.
