Ахмад прокурор, ажилтнуудаа хүлээн авч хүндэтгэл үзүүллээ

Монгол Улсад прокурорын байгууллага үүсч хөгжсөний 85 жилийн ойг тохиолдуулан Улсын Ерөнхий прокурор, Төрийн Хууль Цаазын Тэргүүн зөвлөх М.Энх-Амгалан прокурорын байгууллагын ахмад прокурор, ажилтнуудаа хүлээн авч хүндэтгэл үзүүллээ.

Улсын Ерөнхий прокурор, Төрийн Хууль Цаазын Тэргүүн зөвлөх М.Энх-Амгалан ахмад прокурор ажилтнуудаа хүлээн авч хүндэтгэл үзүүлэх арга хэмжээг нээж хэлсэн үгэндээ “Монгол Улсын прокурорын байгууллагын түүхэн замнал, хөгжил нь манай ахмад үеийнхэн та бүхний ажил хөдөлмөр, хичээл зүтгэлтэй салшгүй холбоотой бөгөөд та бүхний ажил хөдөлмөрийг үргэлжлүүлэх хүндтэй бөгөөд хариуцлагатай үүрэг өнөө үеийн бид бүхэнд тохиосныг тэмдэглэхийг хүсч байна. Ахмад прокурор, ажилтнууд та бүхэнд эрүүл энх, аз жаргал сайн сайхан бүхнийг хүсэн ерөөе” гэжээ.

Энэхүү арга хэмжээнд прокурорын байгууллагын 200 гаруй ахмад, прокурор ажилтан оролцож, нэгэн үед хамтран ажиллаж байснаа дурсан сэтгэгдлээ хуваалцаж прокурорын байгууллагынхаа хамт олонд ажлын амжилт, сайн сайхан бүхнийг хүсэн ерөөлөө.