Орхон голын усанд живжээ

Уснаас эрэн хайх: Архангай аймгийн Хотонт сумын Бургалтай багийн “Талын хар балгас” гэдэг газар Ө /13 настай, эрэгтэй/ “Орхон” голын усанд живсэн тухай дуудлагыг 2015.08.21-ний өдрийн 21:10 цагт хүлээн авч тус аймгийн Онцгой байдлын газрын 6 албан хаагч, 1 автомашин, 1 завьтайгаар эрэн хайх ажиллагааг зохион байгуулж байна.

Уул, хаднаас эрэн хайх: Нийслэлийн Баянзүрх дүүргийн 11 дүгээр хороо, Богд уулын “Чулуут”-ын аманд иргэн О /52 настай, эмэгтэй/ жимс түүж яваад төөрлөө гэсэн дуудлагыг 2015.08.23-ны өдрийн 19:34 цагт хүлээн авч Нийслэлийн Аврах ангийн 5 албан хаагч, 1 автомашинтайгаар эрэн хайх, аврах ажиллагааг зохион байгуулж мөн өдрийн 21:05 цагт “Чулуут”-ын амны дээд хэсгээс ухаан алдсан байдалтай байсныг олж уулнаас буулган ЯТТ-ын эмчид шилжүүлсэн.    

Ус, цас, шаварт саатсан: Завхан аймгийн Улиастай сумын Богдын гол багийн нутаг,  Мод үржүүлгийн ойролцоох “Богдын гол”-ын усанд 4 зорчигчтой /2 том, 2 хүүхэд/ “Toyota Lexus-470” загварын автомашин урсаж байна гэсэн дуудлагыг 2015.08.23-ны өдрийн 21:27 цагт хүлээн авч тус аймгийн Онцгой байдлын газрын 6 албан хаагч, 1 техник хэрэгсэлтэйгээр аврах ажиллагааг явуулж татан гаргасан байна.

Эх сурвалж: ОБЕГ