2 иргэн шороонд дарагдаж нас баржээ

1. Эрэн хайх аврах ажиллагаа:

Уснаас эрэн хайх: Архангай аймгийн Батцэнгэл сумын Дайрбор багийн “Эрүү” гэдэг газар Тамирын голд /аймгийн төвөөс 71 км-т/ иргэн Л /68 настай, эрэгтэй/ осолдсон тухай дуудлагыг 2015.09.03-ны өдрийн 15:30 цагт хүлээн авч тус аймгийн Онцгой байдлын газрын 6 албан хаагч, 1 автомашин, орон нутгаас 6 иргэн, 1 автомашин, нийт 12 хүн, 2 техник хэрэгсэлтэйгээр эрэн хайх ажиллагааг зохион байгуулж 2015.09.04-ний өдрийн 15:00 цагт цогцсыг олж ар гэрийнхэнд нь хүлээлгэн өгсөн.

Газрын хэвлийд эрэн хайх: Төв  аймгийн Заамар сумын Хайлааст багийн “Ар наймган” гэдэг газар хуучин уурхайн  6 метр гүн нүхэнд 2 иргэн Б /38 настай, эрэгтэй/, нөгөө хүн нь нэр, нас нь тодорхойгүй шороонд дарагдсан дуудлагыг 2015.09.03-ны өдрийн 21:40 цагт хүлээн авч тусаймгийн Онцгой байдлын газрын 6 албан хаагч, 1 автомашинтай эрэн хайх ажиллагааг зохион байгуулж дээрх иргэдийн цогцсыг 2015.09.04-ний өдрийн 21:40 цаг, 2015.09.05-ны өдрийн 01:10 цагт тус тус олж цагдаагийн байгууллагад хүлээлгэн   өгсөн.

2. Аюулт үзэгдлийн талаар:

Мал, амьтны гоц халдварт болон халдварт өвчний тухайд: 1 аймгийн 1 сумын нутагт “Хонины цэцэг” өвчний 1, 1 аймгийн 1 сумын нутагт “Хонь, ямааны Маэди-Винса” өвчний 1, 1 аймгийн 1 сумын нутагт “Галзуу” өвчний 1, нийт 3 аймгийн 3 сумын нутагт 3 тохиолдлын голомтод тогтоосон хорио цээрийн болон хязгаарлалтын дэглэм үргэлжилж байна. Үүнд:

Дорноговь аймгийн Өргөн сумын Баянмөнх багийн “Хэрээ” гэдэг газар малчин Б-н 20 хонь 2015.08.18-ны өдөр халдварт өвчний шинж тэмдэгтэйгээр өвчилснийг устгаж, дээж авч УМЭАЦТЛ-д шинжлүүлэхэд 2015.08.20-ны өдрийн хариугаар “Хонины цэцэг” өвчин болох нь;

Төв аймгийн Сэргэлэн сумын Хайрхан багийн “Амгалант” гэдэг газар малчин Н-н 4 хонь 2015.08.03-ны өдөр халдварт өвчний шинж тэмдэгтэйгээр хорогдсон тул сэг зэмийг устгаж, дээж авч УМЭАЦТЛ-д шинжлүүлэхэд 2015.08.05-ны өдрийн хариугаар “Хонь, ямааны Маэди-Винса” өвчин болох нь;

Булган аймгийн Орхон сумын Арбулаг багийн “Шувуутын шанаган” гэдэг газар малчин Б-н 1 үхэр 2015.08.25-ны өдөр халдварт өвчний шинж тэмдэгтэйгээр хорогдсон тул сэг зэмийг устгаж, дээж авч аймгийн МЭАЦЛ-д шинжлүүлэхэд 2015.08.27-ны өдрийн хариугаар “Галзуу” өвчин болох нь тус тус тогтоогдсон.

3. Ой, хээрийн түймэр:

Хөвсгөл аймгийн Ренчинлхүмбэ сумын Хоолойнзах багийн “Хар давааны-Ам” гэдэг газар /сумын төвөөс хойд зүгт 70 км-т/ ойн түймэр гарсан тухай дуудлагыг 2015.08.27-ны өдрийн 09:30 цагт хүлээн авч тус аймгийн Онцгой байдлын газрын 24 албан хаагч, 2 автомашин, орон нутгийн 50 иргэн, 5 автомашин, нийт 74 хүн, 7 техник хэрэгсэлтэйгээр ажиллан 2015.09.02-ны өдрийн 18:00 цагт түймрийг цурамд оруулж, 2015.09.04-ний өдөр нэмэлтээр орон нутгийн 80 иргэн, 6 автомашин, нийт 154 хүн, 13 техник хэрэгсэлтэйгээр ажиллаж байна. 

4. Объектын гал түймэр: 

Нийслэлд гал түймрийн 1, орон нутагт гал түймрийн 1 дуудлагатай байлаа.

Сонгинохайрхан дүүргийн 32 дугаар хорооны “Эмээлтийн баруун дэнж”-ийн 3 дугаар гудамжийн 14 тоотод иргэн Д-н 5 ханатай гэр, 73-72 УНУ улсын дугаартай “Pronter” загварын автомашин шатаж байна гэсэн дуудлагыг 2015.09.04-ний өдрийн 18:07 цагт хүлээн авч тус дүүргийн Онцгой байдлын газрын Гал унтраах, аврах 26 дугаар ангийн 7 албан хаагч;

Өмнөговь аймгийн Даланзадгад сумын 6 дугаар багийн нутагт үйл ажиллагаа явуулдаг “Нинжийн говь” гэр буудлын хашаанд иргэн Р-н 5 ханатай гэр шатаж байна гэсэн дуудлагыг 2015.09.04-ний өдрийн 12:42 цагт хүлээн авч тус аймгийн Онцгой байдлын газрын Гал унтраах, аврах 21 дүгээр ангийн 6 албан хаагч ажиллаж  тус тус унтраасан.

5. Техникийн холбогдолтлой осол:

Орхон аймгийн Баян-Өндөр сумын Согоот багийн 7 дугаар хорооллын нутаг авто замын зорчих хэсгийн хажуу жалга руу 30-50 ДАР дугаартай “Toyota cresta” загварын суудлын автомашин унаж 2 хүн дарагдсан тухай дуудлагыг 2015.09.05-ны өдрийн 01:44 цагт хүлээн авч тус аймгийн Онцгой байдлын газрын Гал унтраах, аврах 56 дугаар ангийн 5 албан хаагч, 1 автомашинтайгаар ажиллаж иргэн Б /19 настай, эмэгтэй/, нэр нас тодорхойгүй эмэгтэй нар автомашины төмөр хийцэд хавчуулагдан хөнгөн бэртсэн байсныг аймгийн Цагдаагийн байгууллагад хүлээлгэн өгсөн.

6. Ахуйн осол:

Баянгол дүүргийн 1 дүгээр хорооны “Алтай” хотхоны 29 дүгээр байрны 1 дүгээр орцны өргөтгөлийн дээвэр дээр өндрөөс хүн унасан тухай дуудлагыг 2015.09.04-ний өдрийн 17:08 цагт хүлээн авч Нийслэлийн Онцгой байдлын газрын Аврах ангийн 7 албан хаагч, 2 автомашинтайгаар ажиллаж нэр хаяг нь тодорхойгүй 30-35 насны эрэгтэй хүн унаж нас барсан байсныг цогцсыг буулгаж тус дүүргийн Цагдаагийн байгууллагад хүлээлгэн өгсөн.

Баянзүрх дүүргийн 5 дугаар хорооны 5 дугаар гудамжийн усны худгийн дэргэд ухсан нүхэнд хүн унасан тухай дуудлагыг 2015.09.04-ний өдрийн  20:15 цагт хүлээн авч Нийслэлийн Онцгой байдлын газрын Аврах ангийн 7 албан хаагч, 2 автомашинтайгаар ажиллаж, иргэн Б /45 настай, эрэгтэй/ нүхэнд унаж гэмтсэн байсныг гаргаж эмнэлгийн анхан шатны тусламж үзүүлэн ЯТТ-ын эмчид хүлээлгэн өгсөн.

 

ГАМШГИЙН ШУУРХАЙ УДИРДЛАГЫН ГАЗАР