Маргааш дугаарын хязгаарлалт үйлчлэхгүй

Монгол Улс дэлхий дахинаа “Хоёрдугаар мянганы хүн” /1000 жилд ганц тохиох хүн/-ээр нэрлэгддэг Их эзэн Чингис хааны төрсөн өдрийг “Монгол бахархлын өдөр” болгон тэмдэглэж ирсэн  бөгөөд түүний төрсөн өдрийг өвлийн тэргүүн сарын шинийн 1 хэмээн тунхагласан. Тиймээс жил бүр Их эзэн Чингис хааны төрсөн өдөр өөр өөр өдөр тохиож байгаа ба энэ жилийн хувьд 11 сарын 12-ны өдөр буюу маргааш тохиож байна. Тиймээс маргааш бүх нийтээрээ амарна. Тэгвэл Чингис хааны мэндэлсний 853 жилийн энэ өдрөөр дугаарын хязгаарлалт үйлчлэхгүй гэж Замын цагдаагийн газраас мэдэгдлээ.