УИХ-ын Төсвийн байнгын хорооны дарга Ч. Улаан тусгай сургуулиудын үйл ажиллагаатай танилцлаа

2015 оны 12 дугаар сарын 22-ны өдөр УИХ-ын Төсвийн байнгын хорооны дарга Ч. Улаан  55 дугаар тусгай сургуулийн үйл ажиллагаа, хөгжлийн бэрхшээлтай хүүхдийг сурч хөгжиж буй орчныг биечлэн үзэн сонирхлоо. Тэрээр хөгжлийн бэрхшээлтэй хүүхдийн эмийн зардал, хичээл  практикт зориулж төсвөөс жилд  хичнээн төгрөг төсөвлөдөг талаар нарийвчлан судлаж,  хөгжлийн бэрхшээлтэй хүүхдийн нэг ангид зайлшгүй ажиллавал зохих туслах багшийн хэрэгцээ шаардлага, Хөгжлийн Бэрхшээлтэй Иргэний Нийгмийн Хамгааллын тухай  хуульд заасны дагуу хөгжлийн бэрхшээлтэй хүүхдийг үдийн хоолоор хэрхэн хангаж байгаа байдал, хуулийн хэрэгжилтэй биечлэн танилцлаа.