Бүх хөрөнгөө сүмд хандивлана

Жүжигчин эр бүх хөрөнгөө сүмд хандивласны дараа Лондон хотноо ганцаараа амьдрах гэнэ. Тэрбээр ирэх жилээс уран бүтээлээсээ завсарлага авахаар төлөвлөж байгаа юм. 2012 онд “Форбес” сэтгүүл жүжигчний нийт хөрөнгө буюу үл хөдлөх хөрөнгө багтаад 240 сая ам.доллар гэжээ.Холливуудын нэрт жүжигчин Том Круз бүх хөрөнгөө Сайентологийн христийн сүмд хандивлахаар болсон талаар “www.dailymail.co.uk” мэдээллээ. Өв хөрөнгөөхүүхдүүддээ өвлүүлэхээс татгалзсан шалтгаанаа жүжигчин тайлбарлаагүй байна. Тэрбээр жүжигчин Николь Кидмантай гэрлэх үедээ охин, хүү өргөж авсан бол жүжигчин Кейти Холмстой гэрлэхдээ Сури гэх охинтой болсон юм. Том бүх хөрөнгөө сүмд хандивлаж буй шалтгаанаа тайлбарлаагүй ч “Бүх зүйлээс холдохыг хүсч байна” гэсэн байна.

www.uls.mn