Өглөө.мн Шинэ өглөө, Шинэ мэдээлэл
Монголбанкнаас зохион байгуулсан 2013.08.02-ны ээлжит гадаад валютын дуудлага худалдаагаар банкууд ам.доллар, юань худалдаж авах саналыг ирүүлжээ. Гэсэн хэдий ч Монголбанк энэ удаагийн арилжаагаар 123 сая юань худалдан авах саналыг бүрэн биелүүлсэн бол ам.долларын спот захын арилжаанд оролцоогүй байна. Түүнчлэн төв банк арилжааны банкуудад 119 сая ам.долларыг хэлцлээр худалдаж, валютын захад ам.доллар нийлүүлсэн байна. Гадаад валютын дуудлага худалдаанд Монголбанк валютын дотоодын захын үйл ажиллагааг ил тод, нээлттэй явуулах, үр ашгийг нэмэгдүүлэх, төгрөгийн ханшийн тогтвортой байдлыг хангах үүднээс захад оролцдог байна.
