Шарагчин тахиа өдөр

Аргын тооллын 5 сарын 27-ны баасан гараг, билгийн тооллын  зуны тэргүүн харагчин могой сарын шинийн 21-ны сугар гараг, 4 ногоон мэнгэтэй, шидийн барилдлагатай, шороон суудалтай, булаагч одтой, шарагчин тахиа өдөр. Өдрийн наран 5:12 цагт  мандан, 20:34 цагт  жаргана.

Тухайн өдөр үхэр, могой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлд шамдах, бүтээл туурвил эхлэх, худалдаа арилжаа хийх, бизнэс эхлэх, зэрэг дэвших, лусыг тахих, хагалгаа хийлгэх, буг дарах, газрын ам бооход сайн. Мод суулгах, нарийн зөвлөгөөн хийх, сэтгэлд сэвтэй газар очих, байшингийн суурь тавих, угаал үйлдэхэд муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.