Шагайн харваад 730 гаруй харваач бүртгүүлжээ

Баяр наадмын Шагайн харваан тэмцээн өчигдөр эхэлсэн билээ. 2016 оны наадамд нийслэл хот болон дийлэнх аймгийн 82 багийн 730 гаруй харваач цэц сорихоор бүртгүүлжээ.

Үндэсний спортын нэг төрөл шагайн харваа 1998 оноос эрийн гурван наадмын дөрөв дэх төрөл болон бүртгэгдэж, баяр наадмын хөтөлбөрт албан ёсоор багтсан түүхтэй. Харин өнгөрөгч 2014 онд Юнескогийн хүн төрөлхтний Биет бус соёлын өвийн төлөөллийн жагсаалтад бүртгэгдсэн юм.

эх сурвалж: tur.mn