“Хүн загас” Майкл Фелпс олимпийн 22 дахь алтан медалиа хүртлээ

АНУ-ын домогт усанд сэлэгч Майкл Фелпс Олимпын 22 дахь алтан медалиа хүртлээ

Тэрбээр “Рио-2016” зуны Олимпын наадмын эрэгтэйчүүдийн 200 м-ийн холимог сэлэлтийн ганцаарчилсан төрөлд өчигдөр түрүүлсэн байна. Алдарт сэлэгч 200 м-ийг 1 минут 54.66 секундэд туулжээ.

Үүний өмнө тэрбээр эрэгтэйчүүдийн 200 м-ийн чөлөөт сэлэлт 4×100 м болон 4×200 м-ийн чөлөөт буухиа сэлэлтийн төрөлд түрүүлэн олимпын 19, 20 болон 21 дэх алтан медаль хүртсэн билээ.

Ингэснээр Фелпс спортын түүхэнд олимпын 22 алтан медальтай цорын ганц тамирчин боллоо. Олимпоос 10-аас олон алтан медаль хүртсэн тамирчин түүнээс өөр байхгүй. Тэрбээр олимпоос нийтдээ 26 медаль хүртээд байна.