Гэрийн нөхцөлд үсээ зөв будаж чаддаг уу?

Гэрийн нөхцөлд үсээ хэрхэн будах талаар мэргэжлийн үсчний зөвлөгөөг хүргэж байна.

• Үснийхээ зах хэсгүүд болох дух,чихний хавиар будагны толбо үлдэхээс сэргийлж вазелин түрх. Ингэхдээ үсэндээ вазелинаа битгий хүргээрэй.
• Будагны хайрцаг дахь зааврын дагуу найруулж бэлд. Будгаа найруулахдаа төмрөөр хийсэн сав бүү сонгоорой. Энэ нь будагны өнгөнд өөрчлөлт оруулж болзошгүй.
• Үсэндээ будгаа түрхэхдээ толгойн араас урагш нь чиглүүлнэ. Шилэн хүзүү, толгойн ар хэсгийн үсийг илүү удаа сайтар будаарай.
• Дараа нь будагны заавар дээр бичсэн хугацааны дагуу үсээ будагтай нь хэсэг байлгана. Ингэхдээ гялгар уутаар хийсэн малгай өмсвөл үсэнд будаг илүү их гүн нэвчин сайн будагддаг.
• Үсээ хангалттай хугацаанд будагтай нь байлгасан бол усаар сайтар зайл. Ингэхдээ ангиржуулагч хэрэглээрэй. Усаар ямар ч будагны үлдэгдэл үлдэхгүй болтол нь сайтар угаа. Харин шингэн саван бүү хэрэглэ.

-Арвсанд хүрсэн будагны толбыг хөвөнгөөр  цэвэрлэ. Арилгахгүй үлдсэн тод хэсгүүдийг будаг нь арилгагч нүүр цэвэрлэгчээр арчиж арилгаарай .