Өглөө.мн Шинэ өглөө, Шинэ мэдээлэл
Нэг болон хэсэг хүмүүсийн захиран дарангуйлах улс төрийн дэглэм буюу авторитар дэглэмтэй улс орнуудын хамгийн үзэсгэлэнтэй “тэргүүн хатагтай” нарыг хүргэе. Товчхондоо, орчин үеийн дарангуйлагч, удирдагч нарын хайр, энэрэлийг хүртсэн эмэгтэйчүүд буюу тэдний эхнэрүүдийг хүргэж байна. Магадгүй дарангуйлагч, удирдагч нарын түрэмгий ааш аягийг тэдний эхнэрүүд л дарж, зөөллөдөг байх.
Сирийн Ерөнхийлөгч Башар аль-Ассадын эхнэр тэрбээр Лондонд муслим гэр бүлд төрсөн бөгөөд Европ маягаар хувцасладаг нэгэн юм. Тэрбээр үндэсний хувцас хижаб, гивлүүр зэрэг зүүдэггүй ба 25 настайдаа анх удаа Сирид очиж, тэр цагаас хойш тус улсад амьдарч байна. Гэхдээ тэрбээр хүүхэд, эмэгтэйчүүдийг хамгаалахын тулд нөхрийн хамт эрх мэдлээсээ бууж гадаад уруу гарахаас татгалзсан юм.
Ана Паула дос Сантос /Ангол/
Ана Паула дос Сантос хэмээх энэ бүсгүй Анголын Ерөнхийлөгч Хосе Эдуардотай гэрлэсэн бөгөөд өмнө нь загвар өмсөгч, онгоцны үйлчлэгчээр ажиллаж байжээ. Ана нөхрөөсөө 20 насаар дүү ч үүндээ огтхон ч санаа зовдоггүй аж. Тэр ч бүү хэл Ерөнхийлөгч, стюардесс хоёрын харилцааны талаар хүмүүс юу гэх нь түүнд огтхон ч хамаагүй гэсэн удаатай. Ана бас нэгэн удаа “Нэг л өдөр хүүхэдтэй болно гэдгээ хэлээд хүүхдээ дотоодын сургуульд суралцуулахгүй, учир нь Анголын боловсролын систем их муу” гэсэн байдаг.
Ли Сол Жу /Хойд Солонгос/
Дэлхийн хамгийн хаалттай орнуудын нэг Хойд Солонгосын удирдагч Ким Чен Уны хайрыг татсан эмэгтэй бол Ли Сол Жу хэмээх бүсгүй билээ. Тиймдээ ч Ли Сол Жу хэмээх бүсгүй гэнэт Хойд Солонгосын Тэргүүн хатагтайгаар тодорч, улмаар олон нийтийн өмнө үзэгдэх болсон. Үүнээс өмнө Хойд Солонгосын удирдагчид буюу Ким Чен Уны аав, өвөө хоёр өөрсдийн эхнэрүүдээ олон нийтийн өмнө хэзээ ч гаргаж байгаагүй. Эндээс Ким Чен Ун эхнэртээ нэлээд сэтгэл гаргаж байгааг харж болох юм. Өөрөөр хэлбэл, эхнэртээ хайртайгийн шинж гэж зарим шинжээчид үзээд байгаа нь нууц биш. Ли Сол Жугийн хувьд нэлээд загварлаг хувцасладаг бөгөөд ядуурлын түвшин нэлээд өндөр тус улсад тансаг хэрэглээгээрээ гайхагддаг нэгэн юм. Ким Чен Ун эхнэрээ нэлээд эрхлүүлж, олон зуун мянган ам.долларын үнэтэй барууны бренд цүнх, хувцас зэргийг эхнэртээ захиалан авчруулдаг гэгддэг. Нөгөө талаас Ким Чен Уны Хойд Солонгос эмэгтэйчүүдийг барууны хэв маягаар хувцаслахыг хориглодог хориг ганцхан түүний эхнэрт үйлчилдэггүй юм.
Раниа аль-Абдулла /Иордан/
Раниа аль-Абдуллаг “Дэлхийн хамгийн үзэсгэлэнтэй хатан хаан” гэж нэрлэдэг. Тэр гурван хүүхдийн эх бөгөөд лалын ертөнц дэх эмэгтэйчүүдийн боловсролд анхаарал хандуулдгаараа ихээхэн танигдсан нэгэн юм. Мөн буяны үйлсэд гар сунгаж, эмэгтэйчүүдийн эрхийн төлөө тэмцдэгээрээ эмэгтэйчүүдийн шүтээн нь болж чадсан нэгэн юм.
Чантал Бия /Камерун/
Камеруны Тэргүүн хатагтай Чантал Бия манай гаригийн хамгийн гайхалтай бас гэрэлтсэн тэргүүн хатагтай байх. Үргэлж бусдад сайхан сэтгэгдэл төрүүлж явдаг тэрбээр өдгөө 44 настай бол нөхөр нь 82 настай. Насны ийм том зөрүүтэй ч эхнэрийнх нь эрч хүч, урам зориг Төрийн тэргүүнийг өдий зэрэгтэй сайхан харагдахад нөлөөлдөг гэж хүмүүс үздэг байна.
Имелда Маркос /Филиппин/
1960-1980-аад онуудад Филиппиний тэргүүн хатагтай байсан Имелда Маркос дарангуйлагч нарын үзэсгэлэнт эхнэрүүдийн тухай түүхэнд зайлшгүй багтдаг нэгэн юм. Тэр дан ганц үзэсгэлэнтэй нэгэн байгаагүй бөгөөд маш сайн дипломатч байжээ. Улс орны улстөрийн амьдралд маш идэвхтэй оролцдог байсан түүнийг “Ган эрвээхэй” хэмээн нэрлэж байжээ. Ерөнхийлөгч Фернандо Маркос эхнэрийнхээ хэрэглээнд хэзээ ч хязгаар тогтоож байгаагүй бөгөөд Имелда Европын хамгийн шилдэг загварын ордноос хувцас захиалан өмсдөг байжээ. Имелда гуталны маш том цуглууллагатай ба түүнийгээ музейд өгсөн аж. Хэдийгээр Имелда өдгөө 87 настай бэлэвсэн ч улс орны улс төрийн үйл хэрэгт одоо хүртэл нөлөөтэй байдаг аж.
Шейх Моса /Катар/
Катарын хуучин эмирийн хоёр дахь эхнэр Шейх Моса /Моса бинт Нассер аль-Миснад/ Ойрхи Дорнодын хамгийн нэр хүндтэй тэргүүн хатагтай байсан юм. Тиймдээ ч одоо ч гэсэн түүний нэр нөлөө буурахгүй байна. Катар улс шинэ, залуу хаантай болж, үүнийгээ дагаад шинэ тэргүүн хатагтай болсон ч Шейх Мосагийн хүч чадал, эрх мэдэлд хүрэхгүй л байна. Улстөрийн ертөнц дэх түүний байр суурь маш өндөр бөгөөд хамгийн нөлөөтэй хүмүүсийн нэг юм. Түүний байр суурь Катарын шинэ хаанаас дутахгүй тийм л өндөр бөгөөд үүнд гадаад ертөнц буюу хөрш орнуудынх нь түүнийг гэсэн дэмжлэг нөлөөлдөг юм. Маш загварлаг хувцасладаг, өндөр боловсролтой, ухаалаг эмэгтэй өөрийн авьяас чадвараараа гадаадад ертөнцөд томоохон байр суурь эзэлсэн нь энэ. Анхандаа нөхрийгөө дагаж айлчлалуудад оролцож байсан тэрбээр сүүлдээ бие дааж маш олон айлчлал хийж, түүнийгээ амжилттай болгож байв. Катарын өмнөх хаан Танигийн эхнэр Шейх Моса бол Катар төдийгүй Арабын ертөнцийн хамгийн нөлөөтэй эмэгтэй.
Төгс
