Путины төрсөн өдөрт зориулсан зурган үзэсгэлэн гарав

Оросын ерөнхийлөгч Владимир Путины 65 насны төрсөн өдөрт зориулсан “Putin-mem” нэртэй үзэсгэлэн энэ сарын зургаанд Москва хотод болсон. Энд түүнийг элэглэсэн зарим фото эвлүүлгүүдийг дэлгэн харуулжээ. “Yeltsin Center”, “Sgt. Pepe” болон “Teenager malicious” гэх сувгийн уран бүтээлч нар энэхүү үзэсгэлэнг зохион байгуулсан байна.

Эдгээр хошин элэглэлт зурагнуудаар түүний дэлхий дахинд хэн гэж үнэлэгддэг болохыг нь харуулахыг зорьжээ. Элэглэлт зурагнуудаас “Супермэн Путин”, “Хавчин Путин”, “Уран зурган Путин”-ыг энд орууллаа. Үзэсгэлэнгийн үеэр Путинд зориулсан шүлэг, фудволкыг мөн дэлгэн харуулсан. Үзэсгэлэнг зохион байгуулсан хүмүүс “Хүмүүс хошигнол ойлгоно оо.” хэмээжээ.