Өглөө.мн Шинэ өглөө, Шинэ мэдээлэл
“Авьяаслаг монголчууд” шоу нэвтрүүлгийн гуравдугаар улирлын шалгаруулалтад амжилттай оролцож, дэд байрт шалгарсан ОХУ-ын Буриад улсын циркийн жүжигчин Дулма Пунцукова, Павел Истомин нар хэдийнээ монголчуудын сайн танил болжээ. Тэд хоёул Буриадын циркт ажилладаг бөгөөд Дулма Пунцуковаг шоунд оролцохоор Монголд ирэхэд нь найз залуу, гэр бүлийнхэн нь хамт ирж, дэмжсэн байна. Түүний найз залууг Алексей Боровицкий гэдэг бөгөөд чөлөөт бөхөөр хичээллэдэг гэнэ. Алексей Боровицкий нь энэ онд болсон Оросын оюутны аварга шалгаруулах тэмцээний 65 кг-ын жинд түрүүлсэн, Буриадын шилдэг тамирчдын нэг аж.
