Өглөө.мн Шинэ өглөө, Шинэ мэдээлэл
Монгол Улсын гавьяат жүжигчин, поп дива Ж.Алтанцэцэгийн шинэ уран бүтээл “Бэлэг” дууны клип цацагдлаа.
Тус дууны аяыг Наки, зохиосон бол үгийг DNK зохиожээ. Энэхүү шинэ уран бүтээл нь хүүхдүүд, хайртай хань, халамжит найз нартаа баярлаж, амьдралаас өгсөн бэлэгтээ хязгааргүй талархаж байгаа эх хүний сэтгэлийг харуулжээ.
Монгол Улсын гавьяат жүжигчин, поп дива Ж. Алтанцэцэг Олон улсын эмэгтэйчүүдийн эрхийг хамгаалах өдөр буюу “Март 8”-нд “Корпорэйт” конвеншн центрт “Хайр гэж…“ шинэ, амьд тоглолтоо хийнэ. 2013 онд хамгийн сүүлд “Алтанцэцэг” тоглолтоо хийснээс хойш үзэгчидтэйгээ уулзаагүй байгаа түүнд үзэгч, фенүүддээ тайлагнах олон шинэ уран бүтээл байгаа нь гарцаагүй юм.
Тоглолтын ерөнхий зохион байгуулалтыг Монголдоо №1 On’n Off продакшн зохион байгуулна. Тоглолтын ерөнхий найруулагч Соёлын гавьяат зүтгэлтэн Н.Ононбат ажиллаж байна. “Тоглолт дуурь, поп, ардын дуу гэсэн гурван хэсгээс бүрдэх аж.
