Шинэ клип: Дуучин Э.Чулуунчимэг, Д.Найдандорж, Э.Чинбаяр нарын хамтран дуулсан ” Бид нэгэн үеийнхэн”

Монгол Улсын Соёлын тэргүүний ажилтан дуучин Э.Чулуунчимэг дөрөв дэх “Бүсгүйн ертөнц” цомогтоо багтсан ” Бид нэгэн үеийнхэн” дуугаа клипжүүлж өчигдөр /2019.04.02/ сонсогчдын хүртээл болголоо.
Дуучин Э.Чулуунчимэг “Бид нэгэн үеийнхэн” дуугаа МУСТА Э.Чинбаяр, Д. Найдандорж нартай хамтран дуулжээ.

” Бид нэгэн үеийнхэн” дууны үгийг В.Одхүү, аяыг МУСТА Б. Пүрэвсүрэн зохиож, клипыг МОNGAL FILM продакшн бүтээсэн байна.

” Бид нэгэн үеийнхэн” дууны үг

Ирээдүйд тэмүүлсэн бяцхан зүрх минийх
Их холыг мөрөөдсөн ирмүүн сэтгэл биднийх
Нууцхан догдолсон анхны хайр чинийх
Нэгнээ гэсэн гэгэлгэн сэтгэл биднийх
Арван намраар сургуульдаа яарсан
Арван хаврыг хамт инээж үдсэн
Билэг ерөөлөөр нэгдэж нөхөрлөсөн
Бид нэгэн үеийнхэн
Уулзан баясах багын андууд минийх
Уянга хүслийн эгшигтэй нутаг ус минь биднийх
Уужуу алсдаа дэлгэсэн жигүүр минийх
Учран золгоод хуучлах дурдатгал биднийх
Арван намраар сургуульдаа яарсан
Арван хаврыг хамт инээж үдсэн
Билэг ерөөлөөр нэгдэж нөхөрлөсөн
Бид нэгэн үеийнхэн
Энэхэн насандаа уярах дуу хуур минийх
Эргээд уулзахад гэрэлтэх багын төрх биднийх
Намар намартаа догдлуулах баяр хөөр минийх
Найзалж нөхөрлөсөн он жилүүд дурсамж биднийх
Арван намраар сургуульдаа яарсан
Арван хаврыг хамт инээж үдсэн
Билэг ерөөлөөр нэгдэж нөхөрлөсөн
Бид нэгэн үеийнхэн