Өглөө.мн Шинэ өглөө, Шинэ мэдээлэл
«Торгон зам» угсаатны загвар болон «Газрын амьсгаа» хэмээх хөөмийн мастеруудын уралдаан 11-р сарын 12-оос 14-ний өдрүүдэд Буриад улсад болно.
Угсаатны загварын уралдааны үндсэн сэдэв энэ онд үндэсний хувцас, угсаатны сэдвийг орчин үеийн хувцас загварт нэгтгэх явдал ажээ. Энэ уралдаан Буриад улсад 4 дэх удаагаа, харин хөөмийчдийн уралдаан 6 дахь удаагаа явагдаж байгаа юм байна.
Уралдааны сонгон шалгаруулалт 11-р сарын 12-нд, харин хоёр уралдааны хамтарсан тоглолт 11-р сарын 14-нд Бестужевын нэрэмжит Орос Улсын жүжгийн театрын тайзнаа болно. Уралдаанд загвар зохион бүтээгчид, дуучид Орос, Монголын олон бүс нутгуудаас оролцож, Буриад, Хакаси, Алтайн хязгаар, Тува, Монголын шилдэг хөгжимчид, хөөмийчдийн аялгуунд үндэстний хувцас, гоёл чимэглэлийн загвар үзүүлбэрийг үзэгчид үзүүлэх юм байна.
