Өглөө.мн Шинэ өглөө, Шинэ мэдээлэл
Covid19 вирусийн халдварын нөхцөл байдалтай холбоотой ээлжит мэдээллээ Эрүүл мэндийн яамнаас өнөөдөр /2020.03.09/ өглөө.
Өнөөдрийн байдлаар Монгол Улсад тус вирусийн халдвартай тохиолдол илрээгүй байна. Мэдээллийн үеэр ХӨСҮТ-ийн Ерөнхий захирал Д.Нямхүү тусгаарлаж шинжилгээ авсан иргэдийн талаар мэдээлэл өглөө. Энэ сарын 7-нд ХӨСҮТ-д коронавирусийн сэжигтэй гурван иргэнийг тусгаарлаж, шинжилгээ авсан бөгөөд шинжилгээний хариу сөрөг гарчээ. Мөн энэ сарын 8-нд буюу өчигдөр хоёр сэжигтэй тохиолдол тусгаарлагдсан аж. Шинжилгээний хариу нь хараахан гараагүй байгаа эдгээр иргэдийн нэгийг нь ХӨСҮТ-д, нөгөөг нь Дорноговь аймгийн Улаанбадрах суманд тусгаарлаад байгаа гэнэ.
Мөн АНУ-ын Лас Вегас хотод болсон дэлхийн үл хөдлөх хөрөнгийн чуулга уулзалтад оролцоод ирсэн REMAX компанийн 24 иргэний шинжилгээний урьдчилсан хариу сөрөг гараад байгаа ч дээрх иргэдийг 14 хоног үргэлжлүүлэн тусгаарлаж, тандалт хийнэ гэдгээ хэллээ.
