Токио Хотел

Германы Tokio Hotel хамтлаг нь 2001 анх онд Поп рок жанраар тоглож гараагаа эхлэж байжээ. Хамтлагийн гишүүдийг танилцуулахад дуучин Билл Каулитц, гитарчин Том Каулитц, бөмбөрчин Густав Шефер, аргил гитарчин Георг Листинг гэсэн дөрвөн хүний бүрэлдхүүнтэй. Дуучин Билл Каулитц, гитарчин Том Каулитц бол ихэр ах дүүс билээ.

Тус хамтлаг анх ‘Devilish’ нэрэн дор Sony BMG Germany хэмээх дуу бичлэгийн компанитай хамтран демо CD-гээ бичүүлэн гэрээгээ дуусгасныхаа дараа хамтлагийнхаа нэрийг Tokio Hotel болгон өөрчилжээ. Ийнхүү тэд 2005 онд Schrei гэдэг анхны Герман цомгоо Universal Music Germany дуу бичлэгийн компанитай хамтран гаргасан юм. Schrei цомог дэлхий дахинд хагас сая хувь борлогдсон ба тус цомгоос Герман болон Австрид топ тавд жагсах дөрвөн сингл төрөн гаржээ. Ингээд 2007 онд тус хамтлаг Zimmer 483 гэдэг хоёр дахь Герман цомгоо, Scream гэдэг анхны англи хэл дээрх цомгоо гаргасан ба нийтдээ дэлхий дахинд нэг сая хувь борлогдож, MTV Europe Music Awards-ийн Best InterAct номинацид ялахад нь тусалжээ. Zimmer 483 цомог нь Германд топ тавд жагсах гурван сингл төрөн гаргасан бол Scream цомгоос Франц, Протугал, Испани, Итали зэрэг улсуудад эхний хорьт жагсах хоёр сингл төрөн гарчээ. 2008 оны есдүгээр сард Tokio Hotel АНУ-ын MTV Video Music Awards дээр Best New Artist номинацид анх удаагаа ялалт байгуулсан юм. 2008 оны аравдугаар сард тэд Мексикт зохион байгуулагдсан MTV Latin America Awards наадмаас Best International Artist, Song of the year зэрэг номинациудад мөн ялалт байгуулжээ.
http://youtu.be/5fTaC24bS7Y
Tokio Hotel нь MTV VMA болон MTV Latin America Awards-аас шагнал авсан анхны Герман хамтлаг болсон юм. 2008 оны арван нэгдүээр сарын 6-нд Ливерпүүлд зохион байгуулагдсан MTV Europe Music Awards 2008-аас Headliner шагналыг, 2009 оны арван нэгдүгээр сарын 5-нд Берлин хотод болсон MTV Europe Music Awards 2009-өөс Best Group шагналыг мөн авсан. Харин хамгийн сүүлд 2010 оны арван нэгдүгээр сарын 7-нд Мадрид хотод болсон MTV Europe Music Awards-аас Best World Stage Performance шагналыг гардан авсан юм. Хамтлагийн хувьд хамгийн их сонирхол татдаг зүйл нь хамтлагийн нэр билээ. Тэд 2005 онд хамтлагийн нэрээ өөрлөхөөр болоод “ямар нэр өгөх вэ? хэмээн бие биенээсээ асуутал нэг нь зурагтаар гарсан хамгийн эхний бичигтэй зүйлийн нэрийг өгөе” гээд зурагтаа асаатал Токио хотел гэдэг үг гарсан гэдэг. Тэдний талаарх илүү дэлгэрэнгүй мэдээллийг WWW.Tokio hotel.com вэб сайтаас авч болно.