Сансрын хөлөг “Шэньжөү-13”-ын багийнхан үүргээ амжилттай биелүүлжээ

Хятадын нисгэгчтэй сансрын хөлөг “Шэньжөү-13” нь 2021 оны 10-р сарын 16-ны өдөр Jiuquan хиймэл дагуул хөөргөх төвөөс хөөрч тойрог замдаа орж байсан ба Бээжингийн цагаар 2021 оны 10-р сарын 16-ны 6:56 цагт автомат удирдлагаар “Тяньхэ” бүхээгтэй холбогдож, өмнө нь хөөргөсөн “Тяньжөү-2”, “Тяньжөү-3” ачааны хөлөгтэй залгалдан нэг цогц болж сансар дахь үйл ажиллагаагаа эхлүүлж байсан билээ.

 Уг хөлөг сансарт зургаан сар амжилттай үүргээ биелүүлж, сансрын нисгэгч Жай Жыган, Ван Япин, Е Гуанфү нарыг тээвэрлэн энэ сарын 16-ны өдрийн 09 цаг 56 минутад эх дэлхийдээ амжилттай газардав.

Тэдний биеийн байдал хэвийн хэмээн эмнэлэг, эрүүл мэндийн ажилтнууд мэдэгдэв. Ийнхүү Шэньжөү-13 нисгэгчтэй сансрын хөлгийн үүрэг даалгавар амжилттай биелжээ.