Өглөө.мн Шинэ өглөө, Шинэ мэдээлэл
Аргын тоололын 12 сарын 8-ны ням гараг, билгийн тоололын өвлийн дунд хөх хулгана сарын шинийн 6-ны адьяа гараг. 5 шар мэнгэтэй, усан хөлөлтэй, үхэх барилдлагатай шар бич өдөр. Өдрийн наран 8:41 цагаас мандаж 17:09 цагт жаргана.
Тухайн өдөр хулгана, луу жилтнээ аливаа үйлийг хийхэд эерэг сайн. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, сүм дуганыг сэргээх, бүжиг наадам хийх, цэцэрлэг байгуулах, хур оруулах, дарханы үйлд сайн. Хувцас эсгэх, шинэ хувцас өмсөх, зөвлөгөө хийх, гөлөг тэжээхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулбал өнгө зүс сайжирна гэж дорнын зурхайд өгүүлжээ.
