Ш.Чинбат: “Топ хурд 2024” Дүнжингарав хурдан морины уралдааныг хойшлуулах мэдэгдэл хүргүүлсэн

Засгийн газрын 2019 оны 1-р сарын 30-ны өдөр 57-р тогтоолоор  жил бүрийн 11-р сарын 1-ний өдрөөс  5-р сарын 1-ний өдрийг хүртэлх хугацаанд хурдан морины уралдаан, сунгаа, үсэргээ зохион байгуулахыг хориглосон.

Тэгвэл Хүүхэд, Гэр бүлийн хөгжил, хамгааллын газрын дарга Ш.Чинбат  “Топ хурд 2024” Дүнжингарав хурдан морины уралдааныг зохион байгуулахаар ажиллаж буй иргэн Н.Дэлгэрсайхантай өчигдөр /2024.01.31/уулзаж өвөл, хаврын хурдан морины уралдаан, сунгаа, үсэргээг хориглосон Монгол Улсын Засгийн газраас гаргасан тогтоол, шийдвэрийг танилцуулж, хурдан морины уралдаан хойшлуулахтай холбоотой мэдэгдэл, албан бичгийг гардуулж өгчээ.

Энэ талаар Хүүхэд, Гэр бүлийн хөгжил, хамгааллын газрын дарга Ш.Чинбатаас тодрууллаа.