Хар нохой өдөр

Аргын  тоололын 12 сарын 22-ны ням гараг, билгийн тоололын өвлийн дунд хөх хулгана сарын шинийн 2о-ны адьяа гараг, 9 улаан мэнгэтэй, арвидахын барилдлагатай хар нохой өдөр. Өдрийн наран 8:47 цагт мандаж, 17:03 цагт жаргана.  Өвлийн туйл, хүйтний ес эхлэх өдөр 2 цаг 7 минутад эхэлнэ.

Тухайн өдөр бар, морь жилтнээ аливаа үйлийг хийхэд эерэг сайн. Эл өдөр худалдаа арилжаа хийх, бизнес эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, хишиг даллага дуудуулах, насан бүтээл хийлгэх, хүүхэд үрчлэн авах, тангарагаа буцаахад сайн. Нүүдэл суудал хийх, хэрүүл тэмцэл хийх, эрдэнийг гадагш өгөх, хүүхэд хөлд оруулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод баруун урагш мөрөө гаргавал зохистой.  Үс шинээр үргээлгэх буюу засуулахад тохиромжгүй гэж дорнын  зурхайд өгүүлжээ.