Өглөө.мн Шинэ өглөө, Шинэ мэдээлэл
“Сити” дээд сургууль Erasmus Mundus Mobility Asia буюу EMMA хөтөлбөрийг энэ оноос хэрэгжүүлж эхэлжээ. Хөтөлбөрийн хүрээнд сургууль болон Монгол Улсын их, дээд сургуулийг төгсөгчид Европын холбооны их, дээд сургуулиудад тэтгэлэгтэйгээр суралцах боломжтой болсон байна.Тодруулбал, төгсөгчид Франц, Герман, Голланд, Польш, Румын, Португалийн их, дээд сургуульд суралцах юм. Хөтөлбөрт хамрагдагсдыг виз авахаас эхлээд ирж, буцах зардал, сургалтын төлбөр, амьжиргааны зардлыг Европын холбооны EMMA хөтөлбөрөөс даах ажээ.
Үүнээс гадна оюутнууд болон багш нарыг солилцооны сургалтанд хамруулах, докторын хөтөлбөрийг 100 хувийн тэтгэлэгтэйгээр суралцах боломжийг олгож байгаа юм байна.
