Өглөө.мн Шинэ өглөө, Шинэ мэдээлэл
2016 онд Франц улсад болох хөлбөмбөгийн Европын АШТ-ний урьдчилсан шатанд тоглох багуудыг хуваарилжээ. Энэ тэмцээнээс эхлэн буурал тивийн шилдэг 24 баг тэмцээнд өрсөлдөнө гэдгээрээ онцлогтой.
UEFA-д бүртгэлтэй 54 улсаас зохион байгуулагч Франц эрхээ шууд авсан бол үлдсэн 53 баг зургаан хэсэгт хуваагдан өрсөлдөхөөр боллжээ. Хэсгүүдийг Испани, Герман, Голланд, Итали, Англи, Португал, Грек, ОХУ, Босни Герцеговина толгойлж, бусад нь тэдэн дээр сугалаагаар очих бөгөөд 5 хэсэг 6 багтай, нэг хэсэг 5 багтай байх аж. Улмаар хэсэг тус бүртээ эхний хоёр байр эзэлсэн нь эрхээ шууд авч, гуравдугаар байрын багуудаас хамгийн өндөр үзүүлэлттэй нэг нь тэдэнтэй нэгдэх аж. Харин гуравдугаар байр эзэлсэн үлдсэн найман баг хоорондоо халз тоглож, ялсан дөрөв нь Францыг зорих эрхтэй болох юм байна.
“А” сагс: Испани, Герман, Голланд, Итали, Англи, Португал, Грек, ОХУ, Босни Герцеговина
“В” сагс: Хорват, Украин, Швед, Дани, Швейцарь, Бельги, Чех, Унгар, Ирланд
“С” сагс: Серб, Турк, Словен, Израиль, Норвеги, Словак, Румын, Австри, Черногор
“D” сагс: Армен, Польш, Шотланд, Финланд, Латви, Уэльс, Болгар, Эстони, Беларусь
“Е” сагс: Исланд, Умард Ирланд, Албани, Литва, Молдав, Македон, Азербайжан, Гүрж, Кипр
“F” сагс: Люксембург, Казахстан, Лихтенштейн, Фарерын арлууд, Мальт, Андорра, Сан-Марино, Гибралтар
“Евро 2016”-гийн урьдчилсан шатны тоглолтууд 2014 оны есдүгээр сарын 7-нд эхэлж, 2015 оны 11 сарын 17-нд өндөрлөх бол шигшээ тэмцээн 2016 оны зургадугаар сарын 10-наас долдугаар сарын 10-нд Францын есөн хотод болно.
