Техник, технологийн ахлах сургууль 120 сурагч элсүүлнэ

       Техник, технологийн дээд сургууль дэргэдээ ахлах сургууль байгуулахаар тусгай зөвшөөрлөө өнгөрсөн сард авсан. Тус ахлах сургууль нь ирэх зургадугаар сард элсэлтээ авч, есдүгээр сарын 1-нээс үйл ажиллагаагаа эхлүүлэх ажээ.

       Есдүгээр анги төгссөн математик, техник сэтгэлгээ сайтай сурагчдаас 120 хүүхдийг сонгон гурван бүлэгт элсүүлэхээр төлөвлөсөн байна. Нэг бүлэг нь Японы коосен буюу Монголд байхгүй сургалтын тогтолцоогоор хичээллэх аж. Тодруулбал хүүхэд таван жил сурч, дэд бакалаврын зэрэгтэй, инженер болж төгсөх гэнэ. Харин нөгөө хоёр бүлэг нь гурван жилийн сургалттай байна.

      Тус сургуулийн шинэ байрны зураг төслийг гаргачихсан бөгөөд хичээлийн зургаан танхимтай, хоёр давхар барилгыг сургуулийн хөрөнгөөр барих аж.

Б.Хайдав