“Хүүхэд насанд хүргэж өгдөг галт тэрэг” хөдөлжээ…

Хүүхэд насанд хүргэж өгдөг галт тэрэг хэрвээ байдаг бол… гэдэг  дуун мөрөөдөл  цахим ертөнцөд биелэлээ олжээ. Таныг хүүхэд насанд тань түр атугай хүргэж өгөх онлайн групп нээгджээ.

Онлайн  орчинд жинхэнэ стресс тайлж, уйлах нь уйлж, дуулах нь дуулж, дурсамжаа ярих нь ярьж  хүүхэд насныхаа   хөгжилтэй бүхнээ дурсан ярих, хөгжилдөх  талбар болсон  80-иад оныхон групп нээгдээд дөнгөж  13  хонож байгаа ч аль хэдийнэ 4600 гаруй гишүүнтэй болжээ. Хэрэв та 1979 -1990 оны хооронд төрсөн бол энэ группт элссэнээр   өнөөгийн нийгмийн бухимдал, элдэв стресээс бага  боловч хөндийрч хүүхэд насныхаа гэгээн  дурсамж болсон  эд хэрэгсэл, тоглоом наадгайн зурагийг харж, тухайн үед гарч байсан кино, клип дууг үзэх болно. Бас тэр үеийн хүүхэд багачууд хэрхэн тоглож, хэрхэн сурч, хэрхэн үеэрхэж, хэрхэн дурлалцаж байсан тухай мэдээллийг энэ группээс авах боломжтой.

Мөн энэхүү группийнхэн 1990-иэд оны дундуур Монголчуудыг байлдан дагуулж байсан Вэнэсуэл улсын “Халтар царайт”   киног өдөр бүр  нэг ангиар тогтмол цагаар гаргахаар бэлтгэж байгаа гэнэ билээ.

“Хүүхэд насанд хүргэж өгөх галт тэрэг”  хөдөллөө…,  хэрэв та галт тэргэнд амжиж суухыг хүсвэл  https://www.facebook.com/groups/80aadon/ – 80-аад ОныхоН группт нэгдээрэй …, дурсамж бүхнээ хуваалцаж, сайхан найз нөхдүүд болж,  инээд хөөрөөр бялхах нэг үеийнхэн таныг хүлээж байна.

Ц.Мөнх

https://www.facebook.com/groups/80aadon/