Өглөө.мн Шинэ өглөө, Шинэ мэдээлэл
“Их монголын иргэн” ТББ, Өглөө.мн сайт, ШӨХТГ, ХЭАХН зэрэг байгууллага хамтран “ЦАГААН САР- ЭРҮҮЛ ХҮНС” Үндэсний онлайн санал асуулгын аяныг 2014 оны 1 сарын 16-аас 1 сарын 26-ны өдрүүдэд зохион байгуулахаар болжээ. Энэхүү санал асуулгын гол зорилго нь Монголчуудын хүнсний хэрэглээ өсөн нэмэгддэг цагаан сарын баярын өмнө хэрэглэгчдэд эрүүл, чанартай бүтээгдэхүүний нэр төрлийг санал болгох, улмаар олон нийтийн санал асуулгад тулгуурлан хэрэглэгчдийн сонголтонд нийцсэн бүтээгдэхүүнийг шалгаруулах, бүтээгдэхүүнтэй холбоотой санал гомдлыг хүлээн авах, холбогдох газар нь уламжлах зорилготой.
“ЦАГААН САР- ЭРҮҮЛ ХҮНС” Үндэсний онлайн санал асуулгын аян нь http://www.eruulhuns.mn/ сайтаар дамжин явагдах бөгөөд хэрэглэгч та санал асуулгад оролцохдоо http://www.eruulhuns.mn/ сайт руу ороод тухайн хүнсний бүтээгдэхүүний төрөл дээр дарахад гарах бүтээгдэхүүний жагсаалтаас сонгон саналаа өгнө. Нэг хэрэглэгч интернетээр 2 цаг тутамд нэг санал өгөх боломжтой. Хэрэв та мессежээр санал өгөх бол тухайн бүтээгдэхүүний нэрний хойно байх чагтны ард байх код буюу харгалзах тоог 153333 дугаарт илгээж саналаа өгөх юм. Мөн бүтээгдэхүүний чанар, сав баглаа боодол, эрүүл ахуйн шаардлагын талаарх мэдээллийг үүрэн телефоны бүх оператораас 153333 дугаарт мессэжээр хүлээн авна. Мөн
– Санал асуулгын явц, бүтээгдэхүүний чанар эрүүл ахуйн талаарх мэдээллийг http://www.eruulhuns.mn/ сайтаар дамжуулан Өглөө.мн сайн хүлээн авч олон нийтэд мэдээлж, бусад сайтуудад хүргэнэ. .
– Санал асуулгад хамтран оролцож байгаа сайтуудад баннер хэлбэрээр санал асуулга тавигдаж, тэндээсээ шууд http://www.eruulhuns.mn/ сайт руу шилжин хэрэглэгч саналаа өгөх боломжтой
– Өглөө.мн http://www.ugluu.mn/ сайт дээр санал асуулгын хугацааны туршид төслийн менежер ажиллаж хэрэглэгчийн санал хүсэлтийг хүлээн авч, холбогдох арга хэмжээ авч шийдвэрлүүлэхийг зорих ажээ.
Хэрэглэгч та бүхэн өөрсдийн хамгийн хэрэглэдэг хүнсний бүтээгдэхүүндээ саналаа өгөн санал асуулгад идэвхтэй оролцоорой. Түүнчлэн чанарын баталгаагүй тодорхой бус нэр төрлийн бүтээгдэхүүний талаарх мэдээллээ 15333 дугаарт мессэжээр илээхийг хүсье.
Та саналаа http://www.eruulhuns.mn/ дарж өгнө үү.
А.Галт
