Өглөө.мн Шинэ өглөө, Шинэ мэдээлэл
Жүжигчин, улс төрч, бизнесмэн, хөрөнгө оруулагч, бодибилдингийн тамирчин “Австрийн царс” хочит Арнолд Алоис Шварценеггер 1947 оны 7 сарын 30-нд Австри улсад төржээ.
Багадаа ядуу тарчиг амьдралаар амьдарч байсан Арнолд Шварценеггер 15 настайгаасаа бодибилдингийн спортоор хичээллэж 20 настайдаа Мистер Юниверс буюу Дэлхийн бодибилдингийн аварга болсон байна. Тэрээр энэ тэмцээнд нийт 7 удаа түрүүлсэн юм.
Тэрээр бодибилдингээр хичээллэж байхдаа хоногт 16 цаг унтдаг байсан гэдэг.
Холливүүдэд очиж нэлээдгүй олон кинонд тоглосноор дэлхий даяар алдар суу нь түгсэн Арни 2003 онд Бүгд найрамдах намаас нэр дэвшиж Калифорни мужийн амбан захирагч болж 2006 онд дахин сонгогдон ажиллажээ. 2011 онд 25 жил ханилсан эхнэр Мариа Шриверээс гэрлэлтээ цуцлуулсан байна.
Ингээд түүний талаарх сонирхолтой 16 баримт болон зургуудыг толилуулж байна.
- Тэрээр 1973 онд “Болзоо” нэвтрүүлэгт оролцож байжээ.
2. Найруулагч Жэймс Камерун түүнийг ятгаагүй бол “Терминатор” кинонд эсрэг дүрд тоглох байсан.
3. “Хатуу самар” киноны “Жон Маклэйн”-ий дүрд тоглох шахсан ч тухайн үед цагдаагийн туслах дүрд бүтээдэг байсан Брюс Виллис оронд нь тоглохоор болжээ. 
4. “Нью-Йоркын Геркулес”-д түүний дууг тэр өөрөө биш өөр жүжигчин оруулсан. 
5. Австрийн армид цэргийн алба хааж байхдаа бодибилдингийн тэмцээнд оролцохоор цэргээс оргож долоо хоногийн турш сахилгад сууж байсан. 
6. Японд худалдаалж байсан лаазтай кофе, гоймон, энергийн ундаан дээр түүний зураг гарч байсан.
7. “Оршуулгын газрын үлгэр” цуврал киноны найруулагчаар ажилласан. 
8. Дахин сонгогдсон Калифорни мужийн “хоёр дахь” амбан захирагч. Өмнө нь Роналд Рейген мөн дахин сонгогдож байжээ. 
9. “Харуул” киноны Доктор Манхаттаны дүрд тоглох байсан. 
10. Түүний кинонууд дэлхий даяар 40 тэрбум долларын ашиг олж Арнолд Шварценеггер Холливүүдийн хамгийн үнэтэй жүжигчний рекордыг хоёр удаа шинэчилэн тогтоосон
11. Тэрээр америкийн Америкийн алдартай жүжигчин Lucille Ball -ийн хамт “Би Люсид хайртай” теле жүжигт булчинлаг залуу Рикогийн дүрд тоглосон
12. “Итгэмээргүй Халк” телевизийн цувралд түүнийг тоглуулахаар сонгож байсан. 
13. Геннисийн номонд түүнийг “Бүх цаг үеийн хамгийн сайн биеэ хөгжүүлсэн хүн” гэж бичжээ. 
14.“Араатан” кинонд Ван Дамын эсрэг дүрд тоглох гэж байсан.
15. Калифорни мужийн захирагчийн цалин болох жилийн 175,000 долларыг тэрээр авдаггүй байсан. 
16. Тэрээр “Бүхэл бүтэн дурсамж” (Total recall) хэмээх ном бичсэн.
- Бонус видео: Арнолдын хүчний бэлтгэл
Англи хэлнээс орчуулсан: Судлаач Д.Мөнхбаяр
